خدمة رصيدك معاك Money-back هي خدمة جديده قامت باضافتها شركة فودافون عشان تتميز عن باقي شركات الاتصالات في مصر والخدمه هي ان لما شخص يشترك في اي باقه سواء باقة فلكس flex او باقة انترنت mi او اي خدمات ترفيهيه ( كول تون ، الاحتفاظ بالكالمات ، اشتراكات شاهد وانغامي... ) وعايز يلغي الباقه ويرجع ثمن الباقه رصيد مره تانيه ده شرح الخدمه باختصار وبتعمل اي ...
في المقال ده هنتعرف علي الشروط المطلوبه عشان نستخدم خدمة رصيدك معاك Money-back ونلغي الباقه ونرجع الرصيد ، وازاي تستخدم خدمة رصيدك معاك Money-back.
شروط استخدام خدمة رصيدك معاك Money-back :
1- تنزيل اخر تحديث لابلكيشن انا فودافون (Ana Vodafone)
2- عدم استخدام اي فليكسات او ميجات من الباقه يعني ( لو انت عندك باقة فليكس flex تكون مستخدمتش اي فليكسات من الباقه ، لو عندك باقة انترنت ايا كانت سواء باقة plus او باقة extream او باقة streaming تكون مستخدمتش اي ميجات منها ).
3- تكون مستخدمتش خدمة رصيدك معاك Money-back خلال ال90 يوم ( 3 شهور) السابقين .
4- متعديش فترة علي الاشتراك في الباقه ( يعني متكونش عايز تلغي باقة عدي عليها اسبوع مثلا او كام يوم).
خدمه رصيدك معاك Money back متاحه لمين :
متاحه لعملاء خطوط الافراد وباقات الفليكس .
طريقة استخدام خدمة رصيدك معاك Money-back :
1- قم بفتح ابلكيشن انا فودافون (Ana Vodafone) ثم اضغط علي المزيد
2- اختر رصيدك معاك Money-back
3- بعدها بيفتح صفحه فيها رصيدك الحالي
4- لما تنزل تحت في تفاصيل الاستهلاك بتلاقي الباقة اللي انت عايز تلغيها سواء باقه فليكس او انترنت ومكتوب قصادها سعر الباقه بالسالب وكلمة Money back باللون الاحمر.
5- بتضغط علي الباقة وبفتحلك صفحه فيها تفاصيل العملية وبيظهر عندي مشكله بتضغط على عندي مشكله
6- بيطلع لك بعدها ثلاث اسباب بتختار منهم اي سبب
7- بعد كده بيقول لك ان هيتم الغاء الباقه اللي انت عايز تلغيها مع العلم لو في اي ميجات او فليكسات مرحله هيتم خسارتها مع الغاء الباقه لو موافق بتضغط تاكيد
8 - تضغط علي رجعلي رصيدي والرصيد بيرجع مره تانيه
